من راعيات صلاح جاهين:
ياللى عرفت الحب يوم وانطوى.. حسك تقول مشتاق لنبع الھوى.. حسك تقول مشتاق لنبع الغرام.. ده الحب مین داق منه قطرة ...ارتوى !!! وعجبى
ضريح رخام فیه السعید اندفن.. و حفرة فیھا الشريد من غیر كفن.. مريت علیھم .. قلت يا للعجب لاتنین ريحتھم لھا نفس العفن.. و عجبي!!!!!1
على بعد ملیون میل من أرضنا من الفراغ الكونى بصیت أنا لا شفت فرق ما بین جبال أو بحور ولا شفت فرق مابین عذاب أو ھنا.. وعجبى!!!!!!!
ورا كل شباك ألف عین مفتوحین وانا وانت ماشیین يا غرامي الحزين.. لو التصقنا نموت بضربة حجر ولو افترقنا...نموت متحسرين ..و عجبي!!!!!!1
عِلم اللَوع اضخم كتاب ع الأرض.. بس اللي يغلط فیه يجیبه الأرض.. أما الصراحة فأمرھا ساھل لكن لا تجلب المال ولا تصون العرض...و عجبي!!!!!!!1
جالك أوان ووقفت وقفة وجود.. يا تجود بده با قلبي يا بده تجود.. ما حد يقدر يبقى على كل شئ... مع إن..عجبي....كل شئ موجود
عجبي علیك..عجبي علیك يا زمن..يا بو البدع.. يا مبكي عیني دما.. إزاي أنا.. أختار لروحي طريق و أنا اللي داخل في الحیاة مرغماً عجبي!!!!!1
ياللي بتبحث عن إله تعبده بحث الغريق عن أي شئ ينجده الله جمیل وعلیم ورحمن ورحیم احمل صفاته........وانت راح توجده عجبي!!!!!!!1
الدنیا من غیر الربیع میته.. ورقة شجر ضعفانة ومفتفتة ..لأ ياجدع غلطان.. تأمل وشوف زھر الشتا طالع فى عز الشتا..و عجبى !!!!!1
غمست سنك فى السواد يا قلم ..عشان ما تكتب شعر يقطر ألم .. مالك ؟ جرالك ايه يا مجنون ؟ و ليه .. رسمت وردة و بيت و قلم و علم
وقفت بين شطين على قنطرة .. الكدب فين و الصدق فين يا ترى ..محتار حموت .. الحوت خرج لى و قال .. هو الكلام يتقاس بالمسطرة ؟؟؟؟
انا كل يم اسمع فلان عذبوه.. اسرح فى بغداد و فى الجزاير اتوه .. ما اعجبش من اللى يطيق بجسمه العذاب .. واعجب من اللى يطيق يعذب اخوه .. و عجبى !!!!!1
يأسك و صبرك بين ايديك و انت حر .. تيأس ما تيأس الحياة راح تمر.. انا دقت من دا و من دا و عجبى !! لقيت الصبر مر و برضك اليأس مر
لا تجبر الإنسان ولا تحیره..يكفیه ما فیه من عقل بیحیره ..اللى النھارده بیطلبه ويشتھیه..ھوا اللى بكره حیشتھى يغیره و عجبى
حبیت...لكن حب من غیر حنان وصاحبت لكن صحبه مالھاش أمان رحت لحكیم واكتر لقیت بلوتى إن اللى جوه القلب مش ع اللسان و عجبى
الجمعة يناير 22, 2010 8:57 am
