SHEMO
عدد المساهمات : 526
تاريخ التسجيل : 14/01/2010
العمر : 34
 | موضوع: لما صحيت من الموت!!!!!!  السبت يناير 23, 2010 10:59 am | |
| (1)
مرصوصه قلوب الشعرا
ف الشارع
وأنا طالع
مخنوق من حلم غريب
فوقفت
اتفرس ف قلوبهم
يمكن وسطيهم اقدر
انسى همومى
قلعت النضاره
هدومى
وانا لسه باحاول اطلع قلبى
لمحت خناقه ف قلب الشاعر
اللى انا كنت باحبه زمان
وحاولت الاقينى ف قلبه
ولو ..... بهتان
مالقتنيش
فبدأت ف خلع ضلوعى
ساعة ما لقيت
مطرح
فاضى
ف صالة العرض
ياخد قلبى يادوب
(2)
الساعه 8 صباحا
دخل المدعوون الصاله
بصوا ف كل قلوب الشعرا
رصدوا خناقات قصايدهم
ولأنى اتاخرت ف عرضى
حطيت
قلبى فى حته بعيده عن الانظار
ولا حدش
شاف قلبى ف الجلسه الافتتاحيه
لكن
بعد الترحيب
وكلام الناس اللابسين البدل الكامله
كانت روحى متابعه الموقف
لمحت بنت
بتحاول تتخطى كل قلوب العرض
الموجوده ف قلب الصاله
وتوصل قلبى المكسوف
من أنه مش مليان خناقات
وحتت سودا
وحاولت
روحى
تفتكر البنت
ملامحها
شبهها
هى
حبيبتى اللى سابتنى وغابت
علشان قلبى كان مش مفتوح
ومتعرفش بأن دا قلبى
لمست كل بياض قلبى
اتنهد قلب حبيبتى
حلمت
لو تملك هذا القلب
ساعتها
صحيت من موتى
ورفضت
(3)
أنا عاشق
أنا محتاج
لكن خايف من الممكن
واقول أرجع
وأقول ابعد
وأقول جايز
وأقول ممكن
ف لحظة ما الحياة ح تعود
أكون واحد
من اللى عمرى ما عرفته
ولا شوفت الوفا ف عنيه
أنا خايف عليكى صحيح
أنا عاشق سواد عنيك
بياض قلبك
وتكوينك
ف حلمى مش اكيد ح يكون
كتكوينى
تسيبينى
أقول الاهه بعديكى
واغنى ف الفراق بدموع
واضحك ع اللقا الخايف
واترجى هوا ورجوع
وانت ياغاليه بتحكى ع الشواشى طلوع
مانيش خايف من امبارح
ولا حتى النهار دا بتاعى
او ف ايدى
انا خوفى من اللى جى
لأكون وحدى
ويفضل موتى محمى ف صدر احزانى
وأعيش تانى
وانا ميت
ف صالة عرض ما بتساع
سوى قلوب اللى مش منى
وكنت الحلم
كنت العين والننى
بعدتى عنى
قلت اموت
وموتى حلم طمنى
ولكن بعد كل فراق
بلاقينى بعيد عنى
عشان انتى
مشيتى ف سكه وحديكى
لا مديتى ايديكى لفوق
ولا دعيتى
لحلم يعيش
مانيش رافض حياه تانيه
مع شوقى
وحبى ليكى ياغاليه
يابخلانه بحلم وحيد على قلبى
ف صالة العرض
كانت قصة مخنوقه بدمع العاشق
المغلوب على امره
وانا واقف وباتفرج على روحى
بعيد عن شوق حبيبة القلب
وانتى بتلمحى جروحى
ولا تداوى بكلمه حب
ورغم القهر........
ورغم الموت.........
ورغم الغلب........
فأنتى هتفضلى برضه
حبيبة....
القلب. | |
|
Ahmad El Gazawy
عدد المساهمات : 333
تاريخ التسجيل : 14/01/2010
العمر : 36
| | موضوع: رد: لما صحيت من الموت!!!!!! السبت يناير 23, 2010 7:09 pm | |
| | |
|
SHEMO
عدد المساهمات : 526
تاريخ التسجيل : 14/01/2010
العمر : 34
| | موضوع: رد: لما صحيت من الموت!!!!!! الأحد يناير 24, 2010 8:39 am | |
| | |
|
