بيحبنى

جانى اخيرا بعد ايام تفكير
انا معجبه وهو بيبصلى كتير
كلمنى وانا ويا كلامه سرحت
رديت بابتسامه واتنهدت
حسيت بخوفه ولهفته عليا
سكت وقلبى قال لعينيا
بيحبنى....اكيد بيحبنى
زى ما انا دايبه فيه
هو كمان اكيد....بيحبنى
بس ليه انا لسه خايفه
وايه اللى قلقنى مش عارفه
يمكن عشان لسه مش متأكده
يطلع ما بيحبنيش بعد كل دا
مسكت الورده وبين كلمتين احترت
بيحبنى...مش بيحبنى
وعلى اخر ورقة لقيتنى فرحت
اصله طلع بيحبنى
بيحبنى....اكيد بيحبنى
زى ما انا دايبه فيه
هو كمان اكيد...بيحبنى

لا تحدد الورود الحب

لأن الحب ليس صدفة

إنما الحب مشاعر وأحاسيس يشعر بها القلب ويفهمها العقل

فالقلب والعقل هما الوحيدان اللذان يحددان الحب

والقلب بدون عقل لا يشعر

والعقل بدون قلب لا يتفهم