حالة شعب

موضوع: حالة شعب الأحد فبراير 14, 2010 1:35 pm

القضيه بقت قضية قتل مع سبق الاصرار

بقت قضيه ناس بتعيش على قفا شعب بينهار

نزلت أسأل في الشوارع الطبقه الوسطى راحت فين ؟

رد عليا واحد وقالي ما شفتهاش من سنين

دورت عليها بس لقيت مش لوحدي اللي بيدور عليها

دي ناس بالملايين

قلت فيها ايه لو اشتغل في اليوم زياده كمان ساعتين

أهو على الأقل ألاقي هدمه ولقمه ومسكن زين

وساعتين جروا ساعتين

لحد لما الجسم ما بقاش قادر حتى يمسح الجبين

قام وسابني قلت له رايح على فين ؟

قالي بص ماهو يااشتغل بالربا وأكبر دماغي من الحلال

ياأما اسافر أو اهاجر وشوف بقا انهي قصه راح تتقال

يا ترى حيقولوا غرقت بيا عباره بقالها مية سنه

ولا غرقت في جزيره مليانه قروش و كلتني أنا

ولا اتحكم عليا بالاعدام في ليبيا

و لا جربوا الاشعاع فيا في السعوديه

يا عم خليني هنا

عايش في أوضة فوق السطوح زي الحمام

عليها هوا يرد الروح يسطلني وأنام

عمال أفكر في بنت الحلال

بس أبوها راح يقولي حتدفع كام

ولقيته بيقول بدل الاه الوحده اهات

قام وسابني بعد ما ملاني احباط

قلت أدور في الشارع اللي في الناحيه دي

يمكن الاقي حد يرفع من معنواتي

وبعد ما أتقطع نفسي وأنا عمال بهاتي

لقيت واحد بيقولي بألاطه

يا عم أحمد ربنا اني بتاع الفول على ناصيه حارتكم واقف

و ما عدوش بتوع الازاله وخدوه مخالف

ولا عملوش العيش الفينو من الممنوعات

أصلي الدقيق غلي زي ما أنت عارف

وهو يعني فيها ايه

لو فطرت فول واتغديت فول واتعشيت فول

ولا هو لازم يعني كل كام يوم

تدوق طعم الفراخ

ولا هو تقليد وخلاص

ده حتى الغني من الأر داخ

ما تسيبونا في حالنا

ده احنا كل كام شهر يا دوب بنقفل المليون

وعيالي في المدارس والجامعات الخاصه

مخليني زي المجنون

وبعد الرغي والنفخه الكدابه

دعيت وقلت الله يرحمك يابا

مش لو كنت رجل أعمال كده ولا وزير

كان زماني بالاعداديه بقى ليا شأن كبير

وبعد اللف و التدوير

رجعت نمت زي الفسيخه على السرير

وده حال كل الشعب اللي بيدور على الضمير

يا عيني عليك يا شعب يا اللي كنت في يوم من الأيام جبار

دلوقتي بقيت بتقيد نار

وتموت بجرأه في نص النهار

والمسئولين مش فالحين بس غير في رفع الأسعار
منقوووووووووول

موضوع: رد: حالة شعب الأحد فبراير 14, 2010 4:09 pm

وصف رائع للحالة

ولكن الأفضل إيجاد حلول

أما الحالة فالكل يعلمها

نقل رائع SHEMO

موضوع: رد: حالة شعب الإثنين فبراير 15, 2010 8:21 am

شكرا لمرورك ومتابعتك احمد الغزاوى وان شاء الله الحلول معانا احنا بس كل الحكايه اننا ندرس الحاله الاول وبعدين هنقرر الحلول

» حالة حزن